Cater8-彩s黑白TeColorfulBlackadWite戏剧台词对白 (第1/1页)

    EP1

    众大家拍噗仔，at宴会厅

    美香：逐家来拍噗仔，做伙欢迎新人入场

    清一：噗仔声共催落去！

    无人拍噗仔，场景黑暗，配乐悲惨，凤英、豪冠入场，新娘桌无人到位

    欐鹦：你共看啦！哪会揣拢无新娘的爸母啊？按呢敢会看口--ê大声

    准：欸！你较细声淡薄--á啦！你yu共场面舞予歹看是毋？受气

    日新：欐鹦啊！

    欐鹦：按怎啦？我有讲着去是毋？受气

    日新：你...手指头仔勼--转-去，吐大气

    豪冠：免惊，有我伫咧

    凤英：嗯坚定，共豪冠的手掠絚絚

    新郎、娘後面相，共同行入去礼堂中央

    -----------------------------------------------------------------

    梅揁：受气啪！共秀嬅搧一个喙?

    秀嬅疼甲袂振袂动，皮包仔的物件落落去涂跤内底

    哲：秀嬅...你这马是咧创啥？受气

    梅揁：摇头共物件小整理一下，你阿舅阁伫--咧办婚礼，我先来--矣，无恁阿妈阁会伫遐Phì-phè叫...

    梅揁yu离开，煞看着秀嬅指指挂的手指君伫後壁看，惊着

    梅揁嘛惊着，沓沓仔覆腰，共伫--咧涂跤抾物件的秀嬅的手大力掠起来

    梅揁看哲，秀嬅目睭内的目屎得yu满出来，共头向甲犁犁犁

    哲：嘿--啦！我是有共伊求婚，我按呢做是佗位...啪，梅揁拍哲

    梅揁：你共伊求婚，你共伊求婚？声音起颤，搝哲的颔颈仔

    哲：共梅揁捒开好啊啦！

    梅揁：你是几岁人的囝仔，你yu佮人结婚？我真无简单才共你晟养大汉，为着莫予你遐尔仔早就结婚，毋通亲像我仝款，想袂到......你是按怎想yu结婚？你是按怎想yu结婚？又阁搝哲

    秀嬅：阿姆，你莫怪璋哲啦！是我...

    梅揁：你共我恬--去，你抢走我的囝，讲话阁遮尔仔昂声--ooh，蛤？当初你来阮兜食饭，我好心留你入来蹛，掠准讲你是一个乖巧的查某囝仔，会当带来阮兜快乐，结果、结果你竟然诱拐阮囝，你是按怎yu按呢做？你这个袂见笑的查某！换搝秀嬅

    清国开门，阻止梅揁in相拍，梅揁戚心嘛嘛吼，规个人崩去软伫涂跤，哲紮秀嬅离开房间，清国安慰梅揁